Конект » Проценка на ризиците

Оваа алатка ве води чекор по чекор низ процесот на процесот на проценка ризиците од корупција по вашиот бизнис.

Внесете ги вашите првични проценки и белешки и алатката ќе ви генерира извештај што ќе ви послужи како одлична основа.

За повеќе ресурси за градење целосниот систем за бизнис интегритет и заштита од корупција најдете тука.

Чекор 1. Собирање информации за компанијата
Со цел проценката на ризиците да обезбеди вистински и ажурирани резултати, првиот чекор во фазата на проценка е собирање на релевантни информации за анализата на ризици што е одговорност на раководителот/ката на системот за спречување на корупцијата. Процесот на проценка може да подразбира анализа на документите во компанијата во областите како што се, сметководство, човечки ресурси и други области. Процесот може да вклучи и средби со вработените.
Во случај кога компанијата поседува документирани податоци за областите и работните позиции со најголема изложеност на ризик, анализата ќе може да се базира на нив. Додека доколку компанијата не води евиденција за случаите и дејствијата што ги презема во однос на интегритетот, може да се користат и други техники, како што се анкети или интервјуа, лични или во групи, за да се добијат ажурирани информации за компанијата во смисла на интегритет и транспарентност. Пример, документиран податок би била формална пријава од страна на вработен за барање за поткуп. Ако случајот не е пријавен и документиран, на пример несоодветно примен подарок, тој ќе може да биде анализиран преку разговор или анкета со вработените.
Подолу се наведени областите во компанијата кои се препорачуваат да се опфатат во прибирањето на податоците за да се обезбедат сигурни и целосни резултати од проценката:
- 1.Сметководствени информации: текот на финансиски средства (приливи и одливи), контрола на трошоци, подароци и покани (за семинари, промотивни настани и сл.), управување со банкарските сметки на компанијата, годишни завршни сметки, даночни пријави, одобрени буџети итн.
- 2. Правни: внатрешни прописи, колективен договор и примена на закони, договори и иницијативи во коишто учествува компанијата, евиденција на примени жалби или приговори.
- 3. Човечки ресурси: вработени, помошни услуги, општи податоци на организацијата: % по пол, возраст, ниво на образование, стаж.
- 4. Комуникација: Јавни информации достапни за засегнатите страни, фреквенција на ажурирање на информациите и податоците, средства за комуникација.
Запишете кои информации ги имате или треба да ги приберете за овој чекор:
Чекор 2. Најчести ризици од корупција
Врз основа на информациите собрани во чекор 1 и земајќи ги како пример најчестите ризици во приватниот сектор, идентификувајте кои од нив директно влијаат врз нејзината деловна активност. Врз основа на овие идентификувани ризици, компанијата треба да ја дефинира својата стратегија на делување во однос на интегритетот и спречувањето на корупцијата.
Изберете кои сметате дека се ризици што најчесто се јавуваат во вашата компаниија:
А) Финансиско работење
- Финансиска манипулација во поширока смисла: Сфатена како несоодветни сметководствени податоци или други финансиски информации кои компанијата ги дава на пазарот, а коишто не соодвествуваат со нејзината реална слика.
- Фалсификување на документи или уништување на сметководствени документи со умисла: Манипулација со реалните услови во коишто е извршено дејствие на менување или уништување на документација која служи како поткрепа (уништување на докази).
- Измама: Да се измами некој со намерно поттикнување да направи грешка за да предизвика штета на себе или на други. Вклучува и: компјутерска интрига за да се добие посакуваната информација или средства; производство или поседување на компјутерски програми наменети за вршење измами; користење на кредитни, дебитни картички, или патни чекови на штета на сопственикот или на трети лица и сл.
- Казниво плаќање/казнива несолвентност (укинување на средства, казниви тендери): Подигнување на средства на штета на доверителите; продажба на добра со судска или вонсудска постапка иницирани за да се избегне нивно запленување; Намерно предизвикување стечај.
- Прикривање на факти и значајни информации: Како информации „скриени во фиока“ со влијание врз сметководствената евиденција на компанијата и според тоа, во финансиските извештаи.
- Перење пари: Обид да се трансформираат пари или стоки незаконски стекнати преку вршење на кривично дело, во пари, на изглед на законит начин. Оваа трансформација може да се изврши со прикривање на недозволеното потекло на стоката или парите, или преку помагање на лицето кое учествувало во кривичното дело за да ги избегне кривичните последици. Повеќе информации за меѓународните иницијативи за контрола на перењето пари може да најдете во Конвенцијата на Обединетите нации против мултинационалниот организиран криминал.
- Фискална измама: кривични дела против јавниот имот и социјалното осигурување
- Поткуп: станува збор за нудење на пари или подароци на властите или службените лица за да извршат дело спротивно на должностите својствени на нивната положба или да не извршат или неоправдано да го одложат она што мора да се спроведе, во однос на нивната позиција или функција. Тоа претставува кривично дело за кое се предвидени казни затвор за лица кои ќе дадат и лица кои ќе примат или побараат подарок или друга корист за извршување или воздржување од извршување на службено дејствие. o Во бизнис секторот поткуп може да подразбира и примање подарок или друга корист од страна на вработен во компанијата, или давање подарок или друга корист од страна на вработен во компанијата кон трети лица и/или деловни соработници.
- Користење туѓо влијание:Се однесува на размена на несразмерни придобивки меѓу државните службеници или меѓу нив и граѓаните. Се состои од ветувањето на јавниот службеник да го искористи своето влијание во корист на друго лице (друг јавен службеник или физичко лице) во замена за пари или други услуги. Користењето на туѓо влијание се спречува преку зголемена транспарентност и преку законите за пристап до информации од јавен карактер, со цел да им се стават на располагање на граѓаните сите информации поврзани со носењето одлуки.
- Плаќање на провизија или поткуп: Корумпирање некој со пари, услуги или подароци за да се добие нешто во замена од тоа лице. Ова претставува кривично дело кога еден јавен службеник прифаќа или бара пари, подароци и сл., за да ја изврши задачата која му е доделена како дел од службата. Поткупот, исто така, постои надвор од опфатот на јавната администрација, во самите компании или во пошироките деловни односи.
- Измама: Се случува кога јавниот службеник одзема или му дозволува на трето лице да извлече средства или јавни добра во приватна корист. Службеникот не само што го присвојува имотот што припаѓа на државата без намера да го врати, туку ја прекршува и обврската за чесност што ја наложува неговата функција.
- Друго (ве молиме наведете во полето подолу )
Друго (ве молиме наведете)
Б) Човечки ресурси
- Судир на интереси: Постоење на приватен интерес што влијае или може да влијае врз непристрасно вршење на јавни овластувања или работни обврски во компанијата. Под судир на интереси се подразбира состојба во која службеното лице има приватен интерес што влијае или може да влијае врз непристрасното вршење на неговите јавни овластувања или службени должности. Притоа, во контекст на работењето на компаниите тоа вклучува секој вработен на којшто му/ѝ се доделени овластувања и должности поврзани со работата.
- Незаконски и неетички постапувања: однесувања и постапки кои се класифицирани како кривични дела во РСМ, недозволено однесување кое отстапува од етичките норми, принципи и стандарди.
- Непотизам: Превладување на роднинските и пријателските врски над вредностите и чесноста на лицето.
- Казниви дела против приватноста и компјутерско хакирање
- Употреба на средства или пренасочување на средства на компанијата за приватна употреба
- Нетранспарентни политики на компензација на раководителите
В) Други ризици
- Кривични дела против интелектуална и индустриска сопственост: Повреда на правата од интелектуална сопственост; репродукција и неовластена дистрибуција на компјутерски програми; поседување, производство, пуштање во промет на алатки без заштита; повреда на права од индустриска сопственост (дозволи, кориснички модели, трговски марки).
- Неусогласеност со мерките за заштита при работа / здравствена заштита: Ставање на интегритетот на луѓето во ризик.
- Лажно рекламирање: Давање лажни ветувања и неточни, подведувачки информации во понудите или рекламите на производите или услугите.
- Кривични дела против урбанистичкото планирање: Преземање на урбанизација, градежни работи на неурбанизирано земјиште или на земјиште наменето за патишта, зелени површини, средства од јавен карактер или места кои законски или административно имаат еколошка, уметничка, историска или културна вредност, или од истите причини се смета дека се посебно заштитени.
- Еколошко- кривични дела: Однесувања од страна на компании што ѝ нанесуваат штета на животната средина.
- Корупција на странски службеник: Корумпирање или обид да се корумпира, директно или преку посредник, странски државни службеници или меѓународни организации, со цел да се стекне корист при вршењето на меѓународни активности.
Чекор 3. Идентификација на работни места со висок ризик

Во рамките на секоја деловна структура, постојат работни места чиишто функции и одговорности имаат висок ризик поврзан со корупцијата. Од оваа причина неопходно е компанијата да спроведе проценка на своите работни места, што ќе послужи како основа за нивниот акционен план (обука, политики и протоколи итн.) и ќе овозможи да се воспостават ефикасни превентивни и корективни мерки.

Целта на идентификување на високи ризични позиции е да му се обезбедат на работникот соодветни алатки за да се избегнат и/или соодветно да се справат со ситуации на судир на интереси од аспект на корупција.
Од оваа листа изберете ги работните места со висок ризик од корупција:
- Лица кои носат стратешки одлуки во бизнисот: финансиски одлуки, вработувања, потпишување договори, барање на партнери итн.
- Лица кои имаат овластувања во администрирањето на компанијата.
- Лица со пристап до банкарските сметки на компанијата: кредитни картички, онлајн банкарство и сл.
- Лица со пристап до сметководствени податоци: фактури, сметки, ревизии.
- Лица кои ракуваат со доверливи информации: договори на вработени, клиенти, итн.
- Лица со директна врска со давателите на услуги и производи на компанијата.
- Лица кои даваат директни услуги на клиентите (физички и правни лица).
- Лица со семејни или лични односи со раководството на компанијата.
- Лица кои учествуваат во процесите за избор на персонал.
- Лица кои работат надвор од канцеларија, често или на периоди, со покриени трошоци од страна на компанијата.
- Лица одговорни за планирање и спроведување на внатрешни ревизии.
- Друго (ве молиме наведете во полето подолу )
Друго:
Чекор 4. Класификација на снабдувачи
За идентификување на ризиците поврзани со снабдувачите, добра алатка е спроведувањето на класификација на снабдувачите според големината на нивното значење за деловните активности на компанијата.
Најзначајни добавувачи можат да бидат:
- оние кои обезбедуваат најголем обем на производи/услуги за компанијата;
- оние чии производи/услуги се неопходни за главната активност на компанијата.
Оценувањето на снабдувачите може да се прави и преку прашалници што ќе опфатат аспекти на лидерство, комуникација и транспарентност, системи за управување и сл. врз основа на што ќе се процени поединечниот ризик на клучните добавувачи на компанијата.
Направете брза поединечна проценка на ризици
Снабдувач / добавувач Клучен ризик Ниво на ризик (низок, среден, висок) Образложение / белешки и можни мерки
Чекот 5. Класификација на клиенти

Покрај класификацијата на снабдувачите, потребно е да се изврши и анализа на базата на податоци на клиентите, за да се утврди кои од нив претставуваат поголем ризик за компанијата, врз основа на процентот што го завземаат во вкупната продажба на компанијата. Широко портфолио на клиенти укажува на потранспарентен однос и поголема одржливост на деловниот модел на компанијата.
Запишете информации и белешки за овој чекор:

Проценка на ризиците

Чекор 1. Собирање информации за компанијата

Чекор 2. Најчести ризици од корупција

Чекор 3. Идентификација на работни места со висок ризик

Чекор 4. Класификација на снабдувачи

Чекот 5. Класификација на клиенти